Kɛlɛ min ye mɔgɔ faga Libi jamana na: duguden kelen fagara ani mɔgɔ caman jogin na, kɛlɛ jugu minnu kɛra marifatigiw ni ɲɔgɔn cɛ Tripoli, minnu bɛ senna kabini kunun su fɛ, kɛlɛw minnu bɛ siran bila kɛlɛ kura la, politiki ɲagami cɛma ni gɔfɛrɛnaman fila ye minnu bɛ ɲɔgɔn kɛlɛ. Ameriki jamana lasigidenso min bɛ Libi jamana kan, ko Ameriki jamana jɔrɔlen don kosɛbɛ kɛlɛba in na Libi jamana faaba la. ONU ka cidenjɛkulu min bɛ Libi jamana kan, o fana y’a jira k’a jɔrɔlen don kosɛbɛ “kɛlɛ minnu bɛ kɛ sigidaw la, siwiliw bɛ yɔrɔ minnu na”, k’a ɲini ko “kɛlɛw ka dabila joona”. Tripoli jamana gofɛrɛnaman min ɲɛmɔgɔya bɛ Abdelhamid Dbeibah bolo, o ye kɛlɛ in jalaki minisiriɲɛmɔgɔ min bɛ ɲɔgɔn kɛlɛ, n’o ɲɛmɔgɔya bɛ Fathi Bachagha bolo, n’o bɛ Sirte. Dbeibah bɛ Bachagha jalaki ko a ye a ka bagabagali kɛ walasa ka faaba minɛ, hali ni kumaɲɔgɔnya tun bɛna kɛ.
Ani AFP