KIBARUYA MADAGASCAR
Samarabatigiw...ye marifa ci jama la, o ye wasaden dɔ ka fɔ ye ka bɔ Ikongo mara la, ko in kɛra yɔrɔ min na. Nka mɔgɔ minnu fagara, olu taara ni sigida min ye, o dɔgɔtɔrɔso ɲɛmɔgɔba y’a jira ko ale ye mɔgɔ 9 jate minɛ ka sa o yɔrɔ la, ka mɔgɔ 33 jogin, 5 minnu sara siɲɛ kelen dɔgɔtɔrɔso la, o de kama, mɔgɔ 14 de sara u bɛɛ lajɛlen na. Zandariw yɛrɛ ye kuma ta mɔgɔ 11 fagalenw kan ani mɔgɔ 18 joginlenw kan. Kabini dɔgɔkun tɛmɛnen, Ikongo dugu misɛnnin bɛ ka jɔrɔ: denmisɛn dɔ, n’o ye albino ye, o tununna, wa faamaw y’a jateminɛ ko o kɛra mɔgɔfaga ye. Mɔgɔ naani minɛna. Nka sɔgɔma, dugudenw taara gendarmerie fɛ, k'a ɲini ko mɔgɔ siguilenw ka di u ma, ka kɛɲɛ ni Ikongo mara depite ka fɔta ye. Gunba in kan, albinism bɛ mɔgɔ minnu na, olu de bɛ to ka fariyakow kɛ. Mɔgɔ minɛni, binkanni ani mɔgɔfaga ka ca ni tan ni fila ye san fila tɛmɛnenw kɔnɔ, ka kɛɲɛ ni Duniya Kelenyatɔnba ka fɔta ye.
Ani AFP