Niger jamana kan, mɔgɔ wolonwula minnu tun bɛ sigasiga ko mɔgɔfagalaw la, olu fagara ani Boko Haram jɛɲɔgɔn bi saba ɲɔgɔnna (u tun bɛ) minɛna dɔgɔkun fila kɔnɔ jamana saheli-kɔrɔn fɛ, Lakana minisiriso y’o laseli kɛ alamisadon.
Minisiri y’a ka dɔgɔkun kunnafonisɛbɛn kɔnɔ min bɛ sɔrɔdasi baara kan, a y’a sɛbɛn ko nin dɔgɔkun in na, sɔrɔdasi wolonwula ye mɔgɔ wolonwula faga minnu tun bɛ siga la ko u ye mɔgɔfagalaw ye Gueskérou komini kɔnɔ, ani ka dogoyɔrɔw tiɲɛ N’Guigmi mara la woroduguyanfan fɛ, Tchad kɛrɛfɛ. Minisiri y’a jira fana ko Boko Haram ka jɛɲɔgɔn wɔɔrɔ minɛni, ka jamana wɛrɛw ka mɔgɔ bi saba ɲɔgɔn minɛ minnu tun bɛ ka fɛn suguya caman ta minnu labɛnna Boko Haram kɔnɔmɔgɔw ye. Sɔrɔdasi ma u yɛrɛ jira nka u b’a fɔ k’u y’u bila faamaw bolo. Ocha, n’o ye Nasiyɔn Zini ka Hadamadenw ka koɲɛw ɲɛnabɔli biro ye Niamey, o y’a jira ko mɔgɔ ba fila ni kɔ bɔra u ka yɔrɔw la, marifatigiw ka bagabagali kɔfɛ. Jamana bɛ ka kɛlɛ kɛ ɲɛ fila kan: saheli-kɔrɔn fɛ Diffa mara la jihadi kuluw kama ka bɔ Nizeriya ani tilebin fɛ silamɛya juguw kama minnu bɛ ka Liptako mara tiɲɛ, n’o bɛ wele ko dankan saba minnu bɛ Burkina, Mali ani Nizɛri cɛ .
Ani AFP