Wasadenw ka sɛgɛsɛgɛli tɔn wasadenbɔlɔ la, y'a jira ka gɛlɛya kɔ jamanakuntigi kɔrɔ Donald Trump nɔ ka minɛ, n'a kɛra sababuye ni wulikajɔ ni bɛnbɛnbɛn kɛra ka ɲɛsi Amérique jamana ma. Ɔ wulikajɔ in ni bɛnbɛnbɛn in kɛra wasadenbɔlɔ de la, n'a bɛ wele (Capitole) janvier kalo tile 6 san 2021 la.
A bɛna ni wele in jabi, an bɛ se ka fɔ kɔ tariku dɔ de dɔ, bawo a ɲɛsinɛ bɛ jamanakuntigi kɔrɔ de ma.
Tɔn min sigira sɛgɛsɛli in kama n'u hakɛ ye mɔgɔ 9 ye: démocrates ka pɔlitikitɔn mɔgɔ 7 ani Républicain ka pɔlitikitɔn 2. U lu mɔgɔ hakɛw de ye wote kɛ ka bɛn sigikafɔ laban min kɛra jamanaden bɛɛ ɲɛna ani n’a bɔra jabraniw la. A bɛɛ ye fɔli ni tanuni kɛ, hakilina in na, ka laban kɛ tɛɛgɛrɛ fɔ ye.
O ye kalo 18 sɛgɛsɛgɛli kuncɛlen ye, n’o kɔnɔna na, mɔgɔ sugandilenw ye mɔgɔ 1.000 ɲininka, ka sɛbɛnw caman lajɛ ani ka foroba lajɛba dɔw kɛ walasa k’a jira ko Donald Trump tun ye wulikajɔ in kuntigi ye.
Janvier kalo tile 6 san 2021, Trump n'a jɛɲɔgɔnw tun b'a fɔ fanbɛɛ kɔ jamanakuntigi kalata la san 2020 la, Joe Biden ye sonyali de kɛ, ye binkanni jugu kɛ ka ɲɛsi ɲɛmɔgɔso la Washington walasa ka jaabiw seereyali dabila, ka Amérique bɛjɛfanga yɛrɛyɛrɛ.
Donald Trump bannɛ tiɲɛna, ɔ y'a tɔ a ye dannaya tiɲɛ bɛjɛfanga tabɔlɔ la, Bennie Thompson, min ye sɛgɛsɛgɛli tɔn in ɲɛmɔgɔ ye, de ye ni jalaki in fɔ.
A "ye fitinɛ wuli , ka taji bɔn tasuma kan, ka sigi maison blanche ka dumunikɛyɔrɔ la waati caman kɔnɔ ka tasuma jenilen lajɛ, wa fo ka na
se bi ma, a bɛ ka taa a fɛ ka ni tasuma lawuli kɔkura", o ye Elaine Luria ka jalakili kuma kanw ye, a bɛ démocrates ka pɔlitikitɔn kɔnɔ.
Sɛgɛsɛgɛli tɔn in na, ɲɛma dankan, républicain ka pɔlitikitɔn mɔgɔ dɔ, n’o ye Liz Cheney ye, n'a yeli mandi Donald Trump ye, o y’a jira k’a ka kɛwalew kɔsɔn a “ma se” ka foroba jɔyɔrɔ kura ta.