Joe Biden ye layidu ta Ukraine jamanakuntigi Volodymyr Zelensky ye, a ka taama senfɛ Maison Blanche la, arabadɔn, k'a bɛna a ka dɛmɛ barika bɔɲa Ukraine jamana la, n'o bɛna kɛ ni Etats-Unis ka cɛsiri ye ka feerew dɔ bila a bolo kan walasa k'a ka yɔrɔ sanfɛ la lakana ni pankurun binkaniw ye.
"An bɛna to aw nɔfɛ waati jan kɔnɔ", Amérique jamanakuntigi y'o fɔ Ukraine jamanakuntigi ye, u ni kunnafonidilaw ka ɲɔgɔnɲɛ kɔnɔ. Joe Biden y’a jira fana k'ale “tɛ hami hali dɔɔnin” Europe jamanaw ye bɛnkan ɲɔgɔnɲɛ min kɛ Russie jamana ka binkanni walew kɔnni kama.
Joe Biden ko: "Ne ma deli ka diɲɛ kɛlɛbolo OTAN ni farafɛla tɔn UE ka jɛ ye tan cɔgɔla." "Poutine tun b'a miiri k'a bɛna OTAN fanga dɔgɔya, kasarɔ, a ye OTAN barika bonya." Ukraine kaki-pullover donna, Mr. Zelensky, n’o ma bɔ a ka jamana na kabini Russie ye kɛlɛ daminɛna février kalo tile 24, ale yɛrɛ y’a ka « waleɲumandɔnba jira » Amérique ka dɛmɛ na, n’o bɛ se dollars wari miliyari caman ma sɔrɔdasiya dɔrɔn kama.
Amérique fɔsɔdenya kɔsɔn a bɛna Ukraine jamana ka lafasali barika bonya kosɛbɛ Russie jamana ka binkanniw na. Ukraine jamana kuntigi ye foli ni waliɲumadɔn kɛ. A kɔ “o ye fen ye min nafa ka bon kosɛbɛ walasa ka lakana sabati Ukraine jamana ye”.