Liberia jamanakuntigi min bɛ ka bɔ fanga la, n’o ye George Weah ye a sɔnna, jumadon novembre kalo tile 17 san 2023 la, k’a ma se sɔrɔ jamanakuntigi kalata min kɛra taratadon novembre kalo tile 14 san 2023, a n’a sina Joseph Boakai cɛ. K’a sɔrɔ jamana bɛ ka kalata jaabiw makɔnɔ.
"Ne yere ka politikitɔn , CDC ni y’a ka se sɔrɔli de ye kalata in na nka Liberia de ye se sɔrɔ. A waati sera, wa ne dɛsɛ la". Joseph kɔ ne ma « Weah, n'a tun ye ntolatan dolow sugandilen ye san 2017 la, i bɛ ɲɛmaya sɔrɔ » o y'o fɔ a ka kuma kɔnɔ foroba radio so la. "Jaabi minnu laseli kɛra bi wulafɛ, hali n'u tɛ laban ye, olu b'a jira ko Boakai ye ɲɛtaa sɔrɔ, an tɛ se ka min sɔrɔ. Ne ye kuma fɔ jamanakuntigi sugandilen Joseph Boakai ye walasa k'a fo a ka sebaaya la," M. Weah y'o fɔ.
Jateminɛ minnu bɔra jumadon kalatajɛkulu fɛ, wote kɛlen kɔfɛ biro 99% ni kɔ kɔnɔ, olu ye 50,89% di Boakai ma, san 78, ani 49,11% di Weah ma. Boakai ye ɲɛtaa sɔrɔ ni mɔgɔ 28.000 ni kɔ dɔrɔn ye, mɔgɔ millions 1,6 ɲɔgɔn ka wote jate kɔfɛ. Liberia jamanaden milions 2,4 ɲɔgɔnna de tun weelela wotew la taratadon.
Washington ye Joseph Boakai fɔ a ka sebaaya sɔrɔli la ni jamanakuntigi min bɔra fanga la, n’o ye George Weah ye, a sɔnnɛ kalata jaabiw ma hɛrɛ kɔnɔ” ka kɛɲɛ ni Amerique jamana kɔkankow minisiriso ka kumalasela ka fɔta ye. "Liberia jamanadenw k'a kan ni kalata ye, baw a kɛra hɛrɛ ni bɛn kɔnɔ", Matthew Miller ka kuma fɔla.
Boakai jɛɲɔgɔnw bayirikaw de bɔra k'u nisondiya jira kalata jaabi folow bɔlen kɔfɛ. U ye dɔnw ni ɲɛnajɛw kɛ wote biro dɔ kɛrɛfɛ Fiama kin kɔnɔ Monrovia, AFP kunnafonisɛbɛn ye min fɔ.
Forum