Henry Kissinger ye mɔgɔ min ye, a cɛsilen tun dɔ ani dusu b'a kɔnɔ ; jangɔ a ye baara caman kɛ Amérique ka kɔkankɔ pɔlitiki tiragɛ la diɲɛ kɛlɛba filanan kɔfɛ. A lakodonnen dɔ fana ka baara ɲɔgɔnɲa labɛn kɔnɔ diɲɛ jamanaw ni Chine cɛ.
K’a to jamanakuntigiw Richard Nixon ni Gerald Ford ka kɔkankɔ minsiriya la, Kissinger tun lakodonnen dɔ ni fɛɛrɛtigi ŋanaya ye ani donnibagaba dɔ, hali n'a ka kɔrɔfɔbagaw tun cayara hadamaden josariyaw ni bɛɛjɛfanga sariya sɔsɔli la Vietnam kɛlɛ waati la ani yɔrɔ wɛrɛw la.
Kissinger tun ye mɔgɔ ye, min b'a yɛrɛ dɔn, baw a ma ɲina abada a wolola kan min kɔnɔ, n'o ye allemand kan ye. Waati o waati a n'a ka lunɛti belebelebaw bɛ ɲɔgɔn fɛ. Kissinger ye gafe caman sɛbɛn. A tun kɛra misali ye jamanadenw fɛ, i n'a fɔ diɲɛ fangatigi, ka da kan a ye san caman kɛ marajɛkulu ka ladilikɛla ye, fɔ ka se baara bila ma. Kissinger sara araba novembre kalo tile 29 san 2023 la, a ka so Connecticut, Etats-Unis jamanaw la, ka si tɔ san 100 la.
Kissinger n'a tɔgɔ fɔra dɔrɔn, a b’a fɔ mɔgɔ tílennen politiki tiragɛ la n’o ye "realpolitik" anglais kan na. A ka kɔkankɔ baaraw bɛɛ sinsinnen tun bɛ fanga ni jateminɛ waleyali kan.
Forum