Félix Tshisekedi ye sebaya sɔrɔ kokura ka kɛ République démocratique du Congo jamanakuntigi ye. Kɛmɛsarala a ye mɔgɔ 73 (73,34%) de sɔrɔ jate minnu sɛmɛntiyara kalata labɛn jɛkulu fɛ karidon décembre kalo tile 31 Kinshasa, wote kɛlen kɔfɛ. Nka fangasina kɔni ma sɔn kalata jabiw nunu ma kɔ namara de kɛra, wa segin ka kɛ kalata in kan.
“Ne sugandira kokura ka kɛ Congo kaw bɛɛ ka jamanakuntigi ye, ne ni jamanadenw bɛɛ de bɛna jɛ ka ni sarati filanan (2) in baaraw kɛ ɲɔgɔn fɛ,” Félix Tshisekedi ye ni kuma fɔ ka tɔ a ka politiki tɔn daga la, mɔgɔ kɛmɛw ɲɛna sanji kɔrɔ u nisɔndiyalen bɔra kana kɔkɔrɔmadɔn kabini kalata jaabiw bɔra tumami u bɛ ka lajɛ jabaranin ba fila la. U ye tɛgɛrɛ ni kulew kɛ fanbɛɛ.
Nin jabi minnu bɔra kalata labɛn jɛkulu fɛ (Céni), u bɛna sɛmɛntiya sariyasunba fɛ. Félix Tshisekedi si hakɛ ye san 60 de ye, a bɛ fanga la kabini janvier kalo la, san 2019 la, a ye sebaya sɔrɔ kosɛbɛ fangasina kan, n’o ye Moïse Katumbi ye, Katanga mara ɲɛma kɔrɔ, jamana worodugu kɔrɔnyanfan fɛ, kɛmɛsarala a ye mɔgɔ 18 de sɔrɔ (18,08%).
Ani AFP.
Forum