A k'o fagali bɛnbɛnbɛn miiriya sirila sibiridon, a ka lajɛ dɔ senfɛ Pennsylvanie. “Aw bɛɛ ni ce aw ka hakilina ɲumaw, n’aw ka duwaw la kunun, bawo Allah dɔrɔn de ye ne ni lakisi ka bɔ nin fagali in miiriya la,” Republikenw ka cɛbɔ jamanakuntigi kalata la Etats-Unis, Donald Trump ye nin kumaw fɔ a ka bololo sira fɛ, n'o ye Truth Social ye.
A y’a fɔ fana ko: “An tɛna siran, nka an bɛna to dannaya min b'an kan, ka miiriya kojugu kɛlɛ ka b'an kan.”
A ko : « Nin waati in, nafa ka bon, an ka tɔ jɛ in kɔnɔ, k’a jira k'an ye Amerique jamanadenw lakika de ye, k'an cɛsiri kosɛbɛ, wa an kana a to juguya ka se sɔrɔ an kan ». Jamanakuntigi kɔrɔ Donald Trump yen in kumaw nunu fara kan.
U ye Donald Trump taa ka bɔ a ka lajɛbaa kɛnɛ kan, baw joli b' a ɲɛda la, marifaciw kɛlen kɔ saɲa damadɔw kɔnɔ a ka lajɛ daminɛ kɔfɛ Butler, Amerique saheli-kɔrɔnyanfan na.
Marifatigi ni filɛlikɛla dɔ fagara, mɔgɔ fila wɛrɛw jogin na kosɛbɛ filɛlikɛlaw la, u bɛɛ ye sifinw ye, polisiw y'a fɔ cɔgɔmin na.
“Ne y'an ka jamana kanu tiɲɛ na, wa ne y’aw bɛɛ kanu, ne nisɔndiyalen de bɛna kuma an ka jamanadenw ye nin dɔgɔkun in na Wisconsin dugu la,” Trump ka fɔ la, a ka bololo sira fɛ Truth Social.
Donald Trump bɛna taa Milwaukee, nin Republikenw ka lajɛbaa bɛ kɛ yen ntɛnɛndon, o senfɛ, a ka kan ka sugandi ka kɛ Republikenw ka politiki tɔn ka cɛbɔ ye jamanakuntigi kalata la.
Forum