Liens d'accessibilité

Dernières nouvelles

Marco Rubio ye wele bila Kagamé ma, walasa kɛlɛ ka dabila teliya la’ RDC jamana kɔnɔ


(FILES) Ameriki kɔkankow ɲɛmɔgɔba Marco Rubio n'a ka muso Jeanette Rubio, kɔkankowtigiso, Washington, DC, January 21, 2025.
(FILES) Ameriki kɔkankow ɲɛmɔgɔba Marco Rubio n'a ka muso Jeanette Rubio, kɔkankowtigiso, Washington, DC, January 21, 2025.

Amerique kɔkankow minisiri, Marco Rubio ye wele bila taratadon ko “kɛlɛ ka dabila teliya la” Goma, RD Congo jamana kɔrɔnyanfan na.

Goma dugu bɛ banbanciw ka jɛkulu de bolo kan, n'u bɛ wele M23 ani Rwanda kɛlɛbolo, n'u bɛ ka RD Congo marabagajɛkulu kɛlɛ. A ko M23 banbanciw ni Rwanda kɛlɛbolo ka RD Congo ka yɛrɛmahɔrɔnya danbe bɔɲa.

O kama Amerique kɔkankow minisiri kura ye welekan bila Rwanda jamanakuntigi Paul Kagame ma kɛlɛ dabila teliya la o mara kɔnɔ. A ko M23 ani Rwanda kɛlɛbolo ka RD Congo jamana ka yɛrɛmahɔrɔnya danbe bonya.

Banbanciw ka kɛlɛ RD Congo jamana na, o ye Etats-Unis marabagaw jɔrɔ kɔsɛbɛ, jangɔ Goma dugu minɛni M23 kɛlɛbolo fɛ ni Rwanda jamana bɛ k'u dɛmɛ.

Kabini san caman ɲina Etats-Unis ye gangari da Rwanda ye, a ka M23 kɛlɛbolo dɛmɛli dabila.

Kɛlɛ in juguyara mɔgɔ suw bɛ siraw kan fanbɛɛ Goma dugu la, RD Congo jamana kɔrɔnyanfan na, n'a bɛ M23 kɛlɛbolo bolo kan ka ban ani Rwanda kɛlɛbolo. Taradon u ye pankurujiyɔrɔ minɛ tile fila, u donnɛ kɔfɛ dugu kɔnɔ.

Forum

XS
SM
MD
LG