Amerique jamanakuntigi Donald Trump y’a jira araba don ko ale b’a fɛ ka “dunan juguw” 30.000 minɛ Guantanamo Bay sɔrɔdasi kasobon tɔgɔjuguba la, min tun bɛ kɛ ka jatigewale sigalenw minɛ kabini 9/11 binkanniw. Trump ye nin laseli kabakoma nin kɛ k’a sɔrɔ a y’a bolonɔ bila sariyasun dɔ la min b’a to ka mɔgɔ minnu jalakilen don sonyali ni kojugubakɛlaw ka fariyakow la, olu minɛni ka kɔn kiritigɛ ɲɛ n’o tɔgɔ dara Amerique kalanden dɔ kan, min fagara Venezuela jamanaden dɔ fɛ. A ko ale bɛ ka bolonɔ bila sariya yamaruyalen dɔ la min bɛ Pentagon ni jamana lakanani baarada bila ka “mɔgɔ 30.000 ka tungaladen datuguli yɔrɔ labɛnni daminɛ Guantanamo Bay,” Trump y’o fɔ Maison Blanche la. "An bɛ ni dilan 30.000 ye Guantanamo walasa ka jamana wɛrɛ mɔgɔ jugu juguw minɛ minnu bɛ ka Amerique jamanadenw bagabaga. U dɔw ka jugu kosɛbɛ fo an yɛrɛ tɛ da jamanaw la k'u minɛ, bawo an t'a fɛ u ka segin ka na," Trump y'o fɔ .
Ani AFP
Forum