Liens d'accessibilité

Dernières nouvelles

Donald Trump ye forobala saalenw waajibiya Canada, Mɛxique ani Chine kan


Canada-Mexico-China TARIFFS
Canada-Mexico-China TARIFFS

Amerique jamanauntigi Donald Trump ye sibiridon 25% saalen waajibiya fɛnw na minnu bɛ bɔ Canada ani Mɛxique ani 10% wɛrɛ ka fara tarifu kan min bɛ Chine jamana ka fɛn dilannenw kan, Maison Blanche y’o laseli kɛ. O saalenw nin bɛna daminɛ tarata don fevrier kalo tile 4 Canada ka fɛn dilannenw na, ka kɛɲɛ ni jamanakuntigi ka sariya fɔlɔ ye, AFP sera ka min lajɛ. Nka, Canada ka tadji seneforow hydrɔcarburant bɛna taw bena ke 10% dɔrɔn ye. Washington bɛ nin latige nin jalaki n’a b’a fɛ ka jamana saba ninnu waajibiya ka wale kɛ walasa ka dɔ bɔ fentanili feereli la Amerique, a fana b’a jalaki Canada ko a ma baara kɛ ka ɲɛ walasa ka dɔ bɔ mɔgɔw ka bɔli la woroduguyanfan dankan na. Donald Trump y’a Jira jumadon ko “foyi” t’a bali ka 25% Dabɔ dumunifɛnw na minnu bɛ bɔ Canada ni Mɛxique k’a fɔ ko minnu bɛ na ka bɔ Chine jamana na, olu bɛna saalen 10% bɔ, ka fàra dumuniko musakaw kan minnu bɛ yen ka koro. O cogo la, a bɛ binkanni kɛ Amerique jagokɛ ɲɔgɔnba saba kan, minnu bɛɛ lajɛlen bɛ jamana ka jagokɛɲɔgɔnya 40% ni kɔ bɔ. Amerique jamanakuntigi bɛ jo di nin fɛɛrɛ ninnu ma, a kɛtɔ ka jamana saba ninnu jalaki ko u jɔyɔrɔ bɛ fentanili gɛlɛya la, opioid barikama min bɛ ka tiɲɛni kɛ Amerique jamana na. A ka fɔ la, Chine bɛ fɛnw bila ka taa kokan Mɛxique , minnu b’a to Mɛxique kojugukela tonbaw -Cartels- bɛ se ka fentanili dilan, o kɔfɛ, o bɛ feere dankan kɔfɛ. A bɛ Mɛxique ni Canada fana kɔrɔfɔ k’a sababu kɛ u ma tungala taa mogow kɔlɔsi ka ɲɛ ka taa Amerique fan fɛ.

Ani, AFP

Forum

XS
SM
MD
LG