Gao Marala Mɔgɔ tan ni caman bɛ yen, u fanba ye musow ni denmisɛnw ye, minnu wajibiyalen don ka bɔ u ka dugu la ka taa u dogo Wabaria la Gounzoureye komini kɔnɔ min bɛ kilomɛtɛrɛ 08 ɲɔgɔn bɔ Gao dugu la. Yɔrɔ lankolon dɔ de kan, jatigiladugu ka nisɔndiya labanw kɛrɛfɛ, u y’u sigi yɔrɔ min na. Dɔgɔkun kelen u selen kɔ nin yɔrɔ in na, dɛmɛ t’u la hali bi; u tɛ dogoyɔrɔ ye, ji tɛ u bolo, dumuni tɛ u bolo ani fura tɛ u la.

An ka lasigiden min bɛ Gao, Boubacar Touré bɛ kunnafoni kura di an ma.