Liens d'accessibilité

Dernières nouvelles

Basketball- sanfe celu bola Brittney Griner hɔrɔnyara kasodenw ka ɲɔgɔn falen-falen na Moskow ni Washinton cɛ


Basketball- sanfe celu bola Brittney Griner hɔrɔnyara kasodenw ka ɲɔgɔn falen-falen na Moskow ni Washinton cɛ
Attendez s'il vous plaît

No media source currently available

0:00 0:01:19 0:00

Ameriki basikɛtikɛla Brittney Griner, min minɛna Irisi jamana na kalo 9 kɔnɔ, o bilala kasodenw ɲɔgɔn falen-falen na lamusadon ni Risi marifafeerela Viktor Bout ye, min tun bɛ kaso la san tan Ameriki.

Ameriki basikɛtikɛla Brittney Griner, min minɛna Irisi jamana na kalo 9 kɔnɔ, o bilala kasodenw ɲɔgɔn falen-falen na lamusadon ni Risi marifafeerela Viktor Bout ye, min tun bɛ kaso la san tan Ameriki.

O fɛnw falen-falen kɛra lamusadon Abu Dhabi pankuru so la, Irisi jamana kɔkankow minisiriso y’o fɔ Telegram kan.

Brittney Griner donna pankuru kɔnɔ o yɔrɔnin bɛɛ ka taa Ameriki, a bɛna kɛ yen sanga 24 kɔnɔ.

"A waati damadɔ tɛmɛnen n ye kuma ta ni Brittney Griner ye. A lafiyalen don. A bɛ pankuru kɔnɔ. A bɛ taa Ameriki," Ameriki jamanakuntigi Joe Biden y'o fɔ a ka kunnafonidi la kuma surun dɔ senfɛ White House.

Amerikiden wɛrɛ min minɛna Irisi jamana na, n’o ye sɔrɔdasi kɔrɔ Paul Whelan ye, o ma don o fɛnw falen-falen na. "Hali n'an ma se ka Paul bilali lakana, an tɛna an fari faga abada", Joe Biden y'o hakili sigi.

A ka denbaya ka kunnafoni dɔ kɔnɔ, a y’a jira k’u ‘nisɔndiyara’ Griner fɛ, nka ‘u dusu tiɲɛna hali bi’ ka Paul Whelan dɔn Irisi kasobon dɔ kɔnɔ, ka kɔn Nowɛli ɲɛ, denbaya bɛna min kɛ ‘a siɲɛ naaninan na’ n’ale tɛ. A minɛna desanburu kalo tle 2018 Irisi jamana na, a ye sàn 16 kaso Kɛ la a kan 2020 sàn na "espionage" (sɛgɛsɛgɛli) kosɔn, a ye jalaki min Jira k'a Fɔ ko a dabɔra ka Bɔ fɛn fɔlɔ la.

XS
SM
MD
LG