🇷🇺 Avion min tun bɛ ni mɔgɔ 10 ye, o binna 🇷🇺Russie jamana kan karidon, k’a sɔrɔ a ma mɔgɔ si to yen, wa sɔrɔdasi kulu ɲɛmɔgɔba Wagner Yevgeny Prigozhin bɛ mɔgɔ minnu ka lisi kan, Irisi jamana kunnafonidilaw y’o fɔ.
Ria Novosti, TASS ani Interfax baaradaw ka fɔ la, n’u bɛ tali kɛ Irisi jamana ka pankurunbonda baarada Rossaviatsia la, Yevgeny Prigojine tɔgɔ bɛ sɔrɔ nin awiyɔn in kɔnɔmɔgɔw tɔgɔlatɔn kan min tun bɛna Moskow ni Saint Petersburg cɛ.
"Mɔgɔ 10 tun bɛ kurun kɔnɔ, kurun kɔnɔ baarakɛla 3 tun b'u cɛma. Ka kɛɲɛ ni kunnafoni fɔlɔ ye, kurun kɔnɔ mɔgɔ bɛɛ sara", o y'a jira dɔɔnin ka kɔn o ɲɛ Telegram kan Irisi jamana ka kɔrɔtɔko minisiriso fɛ.
A ka fɔ la, nin Embraer Legacy mɔgɔ kelen-kelen ka awiyɔn in binna Kujenkino dugu kɛrɛfɛ, Tver mara la, Moskow worodugu-tlebi fɛ.
A ko: "Irisi jamana ka kɔrɔtɔko minisiriso bɛ ka ɲinini baara kɛ."
Wideyo minnu AFP ma se k’u tiɲɛni Sɛmɛntiya, olu bɔra Telegram kan caman kan k’a fɔ k’u ni Wagner bɛ ɲɔgɔn na, k’a jira ko nɔgɔw bɛ ka jeni foro dɔ kɔnɔ walima minɛn dɔ binna ka bɔ san fɛ.
Yevgeny Prigojine tùn bɛ murutili dɔ kɔ fɛ zuwɛnkalo la Irisi jamana ka sɔrɔdasikuluba ni Lakana minisiri Sergei Shoigu kama, a ka cɛdenw tùn b'a ɲɛmɔgɔya la, minnu tùn ye sɔrɔdasi-yɔrɔw Minɛ waati kunkurunnin kɔnɔ Irisi saheliyanfan fɛ ka Sɔrɔ ka Taa Moskow.
Mr. Prigojine tun ye o murutili in dabila joona, Ukraine jamana kɛlɛ cɛma. A labanna zuwɛnkalo tle 24 wula fɛ ni bɛnkan ye min b’a Jira ko Mr. Prigojine ka Taa Belarus, k’a sɔrɔ a ka kὲlɛcɛw bɛ Se ka Dòn a la yen, ka Dòn Irisi kὲlɛbolo basigilen na walima ka Segin siwili ɲɛnamaya la.
Lundi wula fɛ, Mr. Prigojine y’a jira wideyo dɔ la, Wagner gɛrɛfɛ jɛkuluw ye min bila sosiyete ka kunnafonidilanw kan, a y’a fɔ yɔrɔ min na ko ale bɛ Afiriki.
Kungo kɔnɔ, a ko ale bɛ baara kɛ walasa ka "Irisi jamana bonya ka tɛmɛn fɔlɔ kan farafinna jamana bɛɛ kan, ka Afiriki hɔrɔnya ka tɛmɛn fɔlɔ kan".